కారేపల్లి నుండి ఇల్లందు వెళ్లే మార్గంలో రైల్వే గేటు వద్ద వాహనదారులు గంటల తరబడి వేచి ఉండాల్సి వస్తోంది. ఒక రైలు వెళ్లిపోయిన తర్వాత కూడా తదుపరి రైలు వచ్చే వరకు గేటు తెరవకపోవడంతో జాప్యం పెరుగుతోంది. దీనివల్ల కిలోమీటర్ల మేర ట్రాఫిక్ జామ్ ఏర్పడి, అంబులెన్స్లు, అత్యవసర వాహనాలు కూడా చిక్కుకుపోతున్నాయి. విద్యార్థులు, ఉద్యోగులు, వృద్ధులు, రోగులు, గర్భిణీ స్త్రీలు తీవ్ర ఇబ్బందులు పడుతున్నారు. శాశ్వత పరిష్కారం కోసం రైల్వే ఓవర్ బ్రిడ్జిలు లేదా అండర్ బ్రిడ్జిలు నిర్మించాలని స్థానికులు, ప్రతిపక్ష నాయకులు డిమాండ్ చేస్తున్నారు. రైల్వే శాఖ అధికారులు ప్రజల ఇబ్బందులను పట్టించుకోవడం లేదని విమర్శలు వస్తున్నాయి. రాష్ట్ర ప్రభుత్వం స్పందించి, కేంద్ర ప్రభుత్వం దృష్టికి తీసుకెళ్లి అండర్ బ్రిడ్జి ఏర్పాటు చేయాలని మండల ప్రజలు కోరుతున్నారు.
6.5 లక్షల మంది గీతా పారాయణం.. వైరల్ వీడియో