జమ్మూ కాశ్మీర్‌లో 87.09లక్షల మంది ఓటర్లు: ఈసీ

జమ్మూ కశ్మీర్‌లో 87.09లక్షల మంది(జులై 25నాటికి) ఓటర్లున్నారని సీఈసీ రాజీవ్ కుమార్ ప్రకటించారు. 44.46లక్షల మంది పురుష ఓటర్లు, 42.62లక్షల మంది మహిళా ఓటర్లు ఉన్నారని తెలిపారు. తొలిసారి ఓటువేసే వారు 3.71లక్షల మంది ఉన్నట్లు వెల్లడించారు. 20.7లక్షల మంది 20-29 ఏళ్ల లోపువారేనని చెప్పారు. జమ్మూ కశ్మీర్‌లో 87 నియోజకవర్గాలున్నాయని, 11,838 పోలింగ్ కేంద్రాలు ఏర్పాటుచేస్తున్నామని.. అక్కడి ప్రజలు ఓటేయడానికి ఉత్సాహంగా ఉన్నారన్నారు.