టెక్సాస్‌ మేయర్‌గా పోటీ చేస్తున్న ఏపీ కుర్రాడు

ఆంధ్రప్రదేశ్‌లోని గుంటూరుకు చెందిన కార్తీక్‌ నరాలశెట్టి.. ది హిల్స్‌ మేయర్‌ ఎన్నికల బరిలో నిలబడ్డారు. ఉన్నత విద్య కోసం అమెరికా వెళ్లిన కార్తీక్‌.. న్యూజెర్సీ రట్టర్స్‌ యూనివర్సిటీలో కంప్యూటర్ సైన్స్‌ డిపార్ట్‌మెంట్‌లో చేరాడు. ఈ క్రమంలో ప్రస్తుతం నివాసం ఉంటున్న ‘ది హిల్స్‌’ మేయర్‌ ఎన్నికలపై దృష్టి సారించాడు కార్తీక్‌. నవంబర్‌ 5న మేయర్‌ ఎన్నిక జరగనుంది. కార్తీక్‌ ఈ ఎన్నికల్లో గెలిస్తే గనుక.. ‘ది హిల్స్‌’ మేయర్‌ పదవి చేపట్టిన తొలి భారతీయ వ్యక్తిగా నిలుస్తాడు.