బాధిత కుటుంబాలకు సొంత నిధులతో ఇల్లు నిర్మిస్తా: ఎమ్మెల్యే

అచ్చుతాపురం మండలం వెదురువాడ గ్రామంలో సోమవారం జరిగిన అగ్నిప్రమాదంలో ప్రమాదవశాత్తు సిలిండర్ పేలి రెండు పూరిల్లు దగ్ధమైన బాధితులను మంగళవారం ఎమ్మెల్యే సుందరపు విజయకుమార్ పరామర్శించారు. ఈ సందర్భంగా ఆయన బాధితులను ప్రభుత్వ పరంగా అన్ని విదాలా ఆదుకుంటామనీ వారికి అండగా ఉంటానని భరోసా ఇచ్చారు. ఇరువురు ఇండ్లను తన సొంత నిధులతో నిర్మించి ఇస్తానని హామీ ఇచ్చి సంబంధిత విఆర్ఓ ని రేపటినుండే పనులు ప్రారంభించాలని ఆదేశించారు.