రాయదుర్గం: ఇంటి స్థలాలు కేటాయించాలని ఆందోళన

ప్రతిరోజు బిక్షాటన చేసి జీవనం సాగిస్తున్న తమకు ఇంటి స్థలం, కుల ధ్రువీకరణ పత్రాలు మంజూరు చేయాలంటూ బేడ, బుడగ, జంగం సంఘాలు కోరారు. ఈ మేరకు బుధవారం సీపీఐ నాయకులతో కలిసి రాయదుర్గం తహశీల్దార్ కార్యాలయం ఎదుట నిరసన తెలిపి, వినతిపత్రం అందజేశారు. పట్టణ శివారుప్రాంతంలో గుడిసెలు వేసుకుని, ప్రతిరోజు బిక్షం ఎత్తుకొని జీవనం సాగిస్తున్నామని తమను ప్రభుత్వం అన్నివిధాలు ఆదుకోవాలని విజ్ఞప్తిచేశారు.