బెలుగుప్ప: ఒక్క క్లిక్ తో ఖాతాలో నగదు మాయం

బెలుగుప్పకు చెందిన నిర్మలమ్మ అనే మహిళా రైతు 4 ఎకరాల్లో కంది పంట సాగు చేసి విక్రయించగా వచ్చిన నగదును బ్యాంకు అకౌంట్​లో జమ చేశారు. 9వ తేదీ ఉదయం, రాత్రి  మెసేజ్​లు ఫోన్​కు వచ్చాయి. బ్యాంకుకు సంబంధించిన మెసేజ్​లు అనుకుని నిర్మలమ్మ వాటిని ఓపెన్ చేశారు. 10వ తేదీ మధ్యాహ్నం రూ.99 వేలు ఖాతాలో నుంచి మాయమైందని తెలుసుకుని, బ్యాంక్ ను సంప్రదించగా సైబర్ నేరగాళ్ల పనేనని తేలింది. ఆమె శుక్రవారం పోలీసులను ఆశ్రయించారు.