రాయదుర్గం: బస్సు టైర్ పగిలి యువతులకు తీవ్ర గాయాలు

డి. హిరేహాల్ మండలం హర్దేహాల్ గ్రామ సమీపంలో ప్రైవేట్ ట్రావెల్ బస్సు టైర్ పగిలి బస్సులో ప్రయాణిస్తున్న ఇద్దరు యువతులకు తీవ్రగాయాలయ్యాయి. రాయదుర్గం నుంచి బళ్లారి సమీపంలో ఉన్న గ్రామానికి వివాహ వేడుకలు నిమిత్తం సుమారు 70మంది బస్సులో వెళ్తుండగా బుధవారం ఈ ప్రమాదం చోటుచేసుకుంది. బస్సులో వెనుక టైరు పైభాగంలో సీటుపై కూర్చున్న యువతులకు కాళ్లువిరిగాయి. వీరిని చికిత్స నిమిత్తం బళ్లారి విమ్స్ ఆస్పత్రికి తరలించారు.