ఉరవకొండ: అగ్ని ప్రమాదంలో చీరలు దగ్ధం

వజ్రకరూరు మండలం చాకిరేవు వద్ద బుధవారం ప్రమాదవశాత్తు అగ్ని ప్రమాదం జరిగింది. ఈ ఘటనలో రజకులకు సంబంధించిన చీరలు పూర్తిగా కాలిపోయాయి. ఉరవకొండ అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు. దాదాపు 2 వేలకు పైగా చీరలు కాలిపోయాయని, రూ. 6లక్షల మేర ఆస్తినష్టం వాటిల్లిందని బాధితులు ఆవేదన వ్యక్తం చేశారు. పరిసర ప్రాంతంలో నిప్పంటుకోవడం వల్లే ఈ అగ్నిప్రమాదం జరిగినట్లు తెలుస్తోంది.