ఏపీ లిక్కర్ స్కామ్.. అనుమానితుల పిటిషన్లపై విచారణ

ఏపీ లిక్కర్ స్కామ్‌లో ముందస్తు బెయిల్ ఇవ్వాలంటూ ముగ్గురు అనుమానితులు సుప్రీంకోర్టులో దాఖలు చేసిన పిటిషన్లపై సోమవారం విచారణ జరిగింది. మాజీ సీఎం జగన్ కార్యదర్శి ధనుంజయ్ రెడ్డి, ఓఎస్టీ కృష్ణమోహన్ రెడ్డి, భారతీ సిమెంట్స్ డైరెక్టర్ బాలాజీ గోవిందప్ప పిటిషన్లు దాఖలు చేసిన విషయం తెలిసిందే. ఈ క్రమంలో సోమవారం విచారణ చేపట్టిన ధర్మాసనం.. హైకోర్టులో విచారణ పెండింగ్‌లో ఉన్నందున ఎలాంటి మధ్యంతర ఆదేశాలు ఇవ్వలేమని స్పష్టం చేసింది.