మాచర్ల: శివాలయానికి పోటెత్తిన భక్తులు

పవిత్ర కార్తీక మాసాన్ని పురస్కరించుకొని మాచర్ల మండలం విజయపురిసౌత్ లోని శ్రీ సంవిద్ మహా త్రిపురసుందరిదేవి సమేత శ్రీ చంద్రమౌళీశ్వరస్వామి ఆలయానికి భక్తులు సోమవారం భారీగా తరలివచ్చారు. ఆలయ అర్చకులు నరసింహమూర్తి, ప్రశాంత్ శర్మ ఆధ్వర్యంలో ప్రత్యేక పూజలు, అభిషేకాలు నిర్వహించారు. ముందుగా పవిత్ర కృష్ణా నదిలో భక్తులు పుణ్య స్నానాలు ఆచరించి ఆలయానికి చేరుకొని దీపారాధన చేసి స్వామివారిని దర్శించుకున్నారు.