సాగర మాత ఆలయంలో ప్రత్యేక ప్రార్థనలు: బాలసాగర్

మాచర్ల మండలం నాగార్జునసాగర్ లో ప్రముఖ పుణ్య క్షేత్రమైన సాగరమాత ఆలయంలో ఆదివారం ఆలయ విచారణ గురువులు జోసెఫ్ బాలసాగర్ ఆధ్వర్యంలో ప్రత్యేక దివ్యబలి పూజ కార్యక్రమాన్ని నిర్వహించారు. ఈ సందర్భంగా ఆయన సాగరమాత భక్తులకు దైవ సందేశం అందించారు. ఉమ్మడి గుంటూరు జిల్లాల నుంచి సాగరమాత భక్తులు ఆలయానికి భారీగా తరలివచ్చారు. దైవ సందేశం అనంతరం జపమాల క్షేత్రంలో ప్రత్యేక ప్రార్థనలు చేశారు.