పుత్తూరు: భక్తిశ్రద్ధలతో అయ్యప్ప స్వామి మకర జ్యోతి పూజ

నగిరి నియోజకవర్గం, పుత్తూరు పట్టణంలోని శ్రీ కామాక్షి సమేత శ్రీ సదాశివేశ్వర స్వామి ఆలయ ప్రాంగణంలోని అయ్యప్ప స్వామికి మంగళవారం రాత్రి అంగరంగ వైభవంగా మకర జ్యోతి పూజ జరిగింది. మకర సంక్రాంతి రోజు ఈ కార్యక్రమాన్ని నిర్వహించడం ఆనవాయితీగా వస్తుందని నిర్వాహకులు తెలిపారు. అనంతరం శివ, పార్వతులను పట్టణంలోని కాపువీధి, బజారు విధులలో ఊరేగించారు. ఈ కార్యక్రమంలో భక్తులు, ప్రజలు అధిక సంఖ్యలో పాల్గొన్నారు.