తిరుమల: శ్రీ లక్ష్మీనరసింహస్వామి వారికి వైభవంగా అభిషేకం

తిరుమల మొదటి ఘాట్‌ రోడ్డులోని నడకమార్గం చెంత వెలసివున్న శ్రీలక్ష్మీనరసింహస్వామి వారికి శుక్రవారం ప్రత్యేక అభిషేకం నిర్వహించారు. కార్తీక మాసంలో స్వాతి తిరు నక్షత్రం సందర్భంగా ప్రతి సంవత్సరం ఆలయంలో ప్రత్యేక అభిషేకం నిర్వహించడం ఆనవాయితీ. ఈ సందర్భంగా శ్రీ లక్ష్మీ నరసింహస్వామివారి ఆలయంలో మూలమూర్తికి పాలు, పెరుగు, తేనె, చందనం, పసుపులతో అభిషేకం నిర్వహించారు. ఈ కార్యక్రమంలో టీటీడీ అదనపు ఈవో పాల్గొన్నారు.