ఎమ్మెల్యే సుజనా చౌదరిని పరామర్శించిన సీఎం చంద్రబాబు

హైదరాబాద్‌లో నివాసం ఉంటున్న బీజేపీ ఎమ్మెల్యే సుజనా చౌదరిని ఏపీ సీఎం చంద్రబాబు శనివారం పరామర్శించారు. ఇటీవల లండన్ పర్యటనలో ప్రమాదవశాత్తూ గాయపడిన ఆయన కుడి భుజానికి శస్త్ర చికిత్స జరగడంతో వైద్యుల సూచనల మేరకు విశ్రాంతి తీసుకుంటున్నారు. ఈ క్రమంలో సీఎం చంద్రబాబు ఆయనను పరామర్శించి ఆరోగ్య పరిస్థితి, యోగక్షేమాలు అడిగి తెలుసుకున్నారు. సుజనాచౌదరి త్వరగా కోలుకొని, తిరిగి ప్రజాసేవకు పునరంకితం కావాలని చంద్రబాబు ఆకాంక్షించారు.