పేకాట శిబిరంపై దాడి - రూ. 2.44 లక్షలు స్వాధీనం

పెద్దాపురం పట్టణంలో రామారావు పేటలోని ఓ ఇంట్లో జూదం ఆడుతున్నట్లు సమాచారం అందడంతో సోమవారం అర్ధరాత్రి దాడి చేసి 9 మందిని అదుపులోకి తీసుకున్నట్లు పెద్దాపురం సీఐ క్రాంతికుమార్ తెలిపారు. వారి నుంచి రూ.2.44 లక్షల నగదును స్వాధీనం చేసుకున్నామన్నారు. పట్టణంలో ఎక్కడైనా జూదం ఆడుతున్నట్లు తెలిస్తే తమకు సమాచారం అందించాలని కోరారు. సమాచారం తెలిపిన వారి వివరాలు గోప్యంగా ఉంచుతామని పేర్కొన్నారు.