మలికిపురం: నూకాలమ్మ ఊయల ఉత్సవం

మలికిపురం మండలం గూడపల్లి గ్రామ దేవత నూకాలమ్మ జాతర మహోత్సవంలో భాగంగా ఆదివారం ఊయలోత్సవం రమణీయంగా జరిగింది. మంగళ వాయిద్యాలు, భక్తుల కోలాహలం నడుమ ఆసాధులు ఊయలలో అమ్మవారి ప్రతిరూపాలైన గరగలను అధిష్టించి ఉత్సవాన్ని ఘనంగా జరిపించారు. ఈ కార్యక్రమం ఆద్యంతం కన్నుల పండుగలా జరిగింది. భారీ సంఖ్యలో విచ్చేసిన భక్తులు ఊయల ఉత్సవాన్ని తిలకించారు. భక్తులు అమ్మ వారిని దర్శించుకుని ముడుపులు, మొక్కుబడులు చెల్లించారు.