సఖినేటిపల్లి: నేత్రపర్వంగా అమ్మవారి తెప్పోత్సవం

మోరి శ్రీమహాలక్ష్మమ్మ శ్రీ కనక మహాలక్ష్మమ్మ అమ్మ వార్ల జాతర మహోత్సవాలు కన్నుల పండువగా జరుగుతున్నాయి. ఈ ఉత్సవాల్లో భాగంగా మహాలక్ష్మమ్మ అమ్మవారి తెప్పోత్సవాన్ని గురువారం రాత్రి ఘనంగా నిర్వహించారు. పసుపు కలిపిన నీళ్ల బిందెలతో మహిళలు స్థానిక ఆంజనేయ స్వామి గుడి నుండి ఊరిగింపుగా బయల్దేరి ఉత్సవాన్ని వైభవంగా జరిపించారు. అధిక సంఖ్యలో భక్తులు పాల్గొని అమ్మవారిని దర్శించుకున్నారు.