రోగనిరోధకశక్తిని పెంచి, అజీర్తి సమస్యను తగ్గించడంలో వాక్కాయలు ఔషధంలా పని చేస్తాయి

తెలంగాణలో వాక్కాయల గురించి తెలియని వారుండరు. ఇవి ఆరోగ్యానికి చాలా మేలు చేస్తాయి. వీటిలో ఉండే విటమిన్‌ బి, సి, ఐరన్‌ రోగనిరోధకశక్తిని పెంచడంలో కీలకపాత్ర పోషిస్తాయి. వీటిలోని పీచు పదార్థం కడుపు ఉబ్బరాన్ని అడ్డుకుని అజీర్తి సమస్యకు ఔషధంలా పనిచేస్తుంది. ఈ పండ్లలోని పెక్టిన్‌ అనే కార్బోహైడ్రేట్‌ జీర్ణవ్యవస్థను మెరుగు పరిచి ఆకలిని పెంచుతుంది. వీటిలోని పోషకాలు కాలేయాన్ని, రక్తాన్ని శుద్ధి చేయడంతో పాటు శరీరంలో కొవ్వు నిల్వలు పేరుకుపోకుండా సహకరిస్తాయి.