ముదినేపల్లిలో తొలిరోజు 97 శాతం పింఛన్లు పంపిణీ

ముదినేపల్లి మండలంలో ఎన్టీఆర్ భరోసా సామాజిక భద్రత పింఛను నగదును గురువారం 97శాతం పంపిణీ చేశారు. మొత్తం 9022 మందికిగాను సాయంత్రం 6 గంటలకు 8681 మందికి పింఛన్లు పంపిణీ జరిగింది. తెల్లవారుజామున 5. 30గంటలకే అధికారులు, సచివాలయ సిబ్బంది, నాయకులు లబ్దిదారులు ఇళ్లకు వెళ్లి పింఛన్లు పంపిణీ చేశారు. వడాలిలో టిడిపి నియోజకవర్గ సమన్వయకమిటీ అధ్యక్షుడు వీరమల్లు నరసింహారావు, ఎంపీడీఓ మురళీగంగాధరరావు పాల్గొన్నారు.