చీరాలలో ఎన్టీఆర్ విగ్రహం ఏర్పాటుపై ముదిరిన వివాదం

చీరాల గడియార స్తంభం సెంటర్లో టిడిపి నాయకులు ఆందోళన చేపట్టారు. నిన్న వైసీపీ నాయకులతో కలిసి మాజీ మంత్రి పాలేటి రామారావు గడియార స్తంభం వద్ద ఎన్టీఆర్ విగ్రహానికి శంకుస్థాపన చేయడంపై మంగళవారం కూటమి నేతలు అభ్యంతరం తెలిపారు. పసుపు నీళ్లతో ఆ ప్రాంతాన్ని శుద్ధి చేసి పాలేటితో పాటు వైసిపి నాయకుల చిత్రపటాలను చించి వేశారు. ఊసరవెల్లి రాజకీయాలు చేస్తే సహించేది లేదని చంద్రబాబును ఇష్టానుసారంగా దుర్భాషలాడిన వైసిపి నాయకులు నేడు ఎన్టీఆర్ పూలమాలలు వేసి దండాలు పెట్టడం సిగ్గుచేటు అన్నారు.