చిలకలూరిపేట కళాశాల అభివృద్ధికి రిటైర్డ్ ఉద్యోగుల విరాళం

చిలకలూరిపేటలోని డిఆర్ఎన్ ఎస్ సి వి ఎస్ డిగ్రీ కళాశాల నాన్ టీచింగ్ రిటైర్డ్ ఉద్యోగులు కాకుమాను పుల్లారావు, వెంకట నరసమ్మ దంపతులు శనివారం కళాశాల అభివృద్ధి కోసం ఒక లక్ష రూపాయల విరాళం అందించారు. ఈ మొత్తాన్ని వారు చిలకలూరిపేట విద్య సంఘం అధ్యక్షులు తేళ్ల సుబ్బారావుకు అందజేశారు. సుబ్బారావు మాట్లాడుతూ, 40 సంవత్సరాలు కళాశాలలో పనిచేసిన ఈ దంపతులు లక్ష రూపాయల విరాళం ఇవ్వడం వారి అభిమానానికి నిదర్శనమని అన్నారు.