రేపల్లె: మెప్మా సిబ్బందికి టాబ్, బయోమెట్రిక్ డివైస్ పంపిణీ

మహిళల ఆర్థిక స్వావలంబనకు సాంకేతిక సహకారం అవసరమని రెవెన్యూ శాఖ మంత్రి అనగాని సత్య ప్రసాద్ పేర్కొన్నారు. శుక్రవారం రేపల్లె టీడీపీ కార్యాలయంలో మెప్మా రిసోర్స్ పర్సన్స్ కు ట్యాబ్, బయోమెట్రిక్ డివైస్ పంపిణీ చేశారు. ఈ సందర్భంగా మంత్రి అనగాని మాట్లాడుతూ పొదుపు సంఘాల ఏర్పాటుతోనే మహిళల ఆర్థిక సాధికారత సాధ్యమవుతుందన్నారు. మహిళలు ఆర్థికంగా బలపడాలంటే, అవసరమైన శిక్షణతో పాటు, సాంకేతిక సహకారాన్ని అందజేయాలన్నారు.