నేడు 66 మండలాల్లో వడగాల్పులు

ఏపీలో శనివారం 66 మండలాల్లో వడగాల్పులు వీస్తాయని వాతావరణ శాఖ హెచ్చరించింది. కృష్ణా, తూర్పుగోదావరి, పశ్చిమ గోదావరి, ఏలూరు, గుంటూరు జిల్లాలోని మండలాల్లో వీటి ప్రభావం ఎక్కువగా ఉంటుందని తెలిపింది. ఈ జిల్లాలలో ఉష్ణోగ్రతలు 40 డిగ్రీలు దాటే అవకాశం ఉందని పేర్కొంది. వీలైనంత వరకు ప్రజలు పగటి వేళల్లో బయటకు రాకపోవడం మంచిదని సూచించింది. చిన్న పిల్లలు, వృద్ధుల విషయంలో జాగ్రత్తలు పాటించాలని హెచ్చరికలు జారీచేసింది.