అదంతా అబద్ధం.. ఎవరూ నమ్మొద్దు: క‌లెక్ట‌ర్‌

విజయవాడ, పరిసర గ్రామాల ప్రజల వెణ్ణులో వణుకు పుట్టించిన బుడమేరుపై ఓ దుష్ప్రచారం బాగా వైరల్ అవుతోంది. బుడమేరుకు మళ్లీ వరద అంటూ కొందరు తప్పుడు ప్రచారం చేస్తున్నారు. దీంతో ప్రజలు భయాందోళనకు గురవుతున్నారు. ఈ నేపథ్యంలో ఎన్టీఆర్ జిల్లా కలెక్టర్ డా. సృజన స్పందించారు. బుడమేరుకు మళ్లీ వరద అంటూ వస్తున్న వదంతులను నమ్మొద్దని స్పష్టం చేశారు. బుడమేరులో ప్రమాదకర స్థాయిలో నీళ్లు లేవన్నారు. బుడమేరుకు మళ్లీ వరద వస్తే సమాచారం అందిస్తామని కలెక్టర్ స్పష్టం చేశారు.