మచిలీపట్నం: పోలీస్ స్టేషన్ ను ఆకస్మిక తనిఖీ చేసిన ఐజీపీ

ఏలూరు రేంజ్ ఐజీపీ జి. వి. జి. అశోక్ కుమార్ మచిలీపట్నం పోలీస్ స్టేషన్ ను బుధవారం సాయంత్రం ఆకస్మికంగా తనిఖీ చేశారు. కృష్ణా జిల్లా ఎస్పీ ఆర్. గంగాధర్ రావు, ఇతర పోలీసు అధికారులు ఆయనకు ఘన స్వాగతం పలికారు. ఈ సందర్భంగా పలు రికార్డులను పరిశీలించి వివరాలను జిల్లా ఎస్పీని అడిగి తెలుసుకున్నారు. అసాంఘిక కార్యకలాపాలకు అడ్డుకట్ట వేసేలా చేపడుతున్న చర్యల గురించి ఎస్పీ ఐజీపీకి వివరించారు.