ఎన్టీఆర్ జిల్లా వాసులకు ఏపిఎస్డీఎంఏ హెచ్చరిక

ఎన్టీఆర్ జిల్లా వాసులకు ఆంధ్రప్రదేశ్ విపత్తు నిర్వహణ సంస్థ హెచ్చరికలు జారీ చేసింది. జిల్లాలో మంగళవారం అత్యధిక ఉష్ణోగ్రతలు నమోదవుతాయని తెలిపింది. జిల్లాలోని పలు ప్రాంతాల్లో ఉక్కపోతతో పాటు 42.5 డిగ్రీల ఉష్ణోగ్రత నమోదయ్యే అవకాశం ఉందని ఆ సంస్థ ప్రకటించింది. జిల్లా వాసులంతా ఉష్ణోగ్రతల దృష్ట్యా తగు జాగ్రత్తలు తీసుకోవాలని, అవసరం అయితే తప్ప బయటకు వెళ్లవద్దని అధికారులు అంటున్నారు.