సబ్ రిజిస్ట్రార్ కార్యాలయంలో సర్వర్ డౌన్

సర్వర్ పనిచేయకపోవడంతో కోడుమూరులోని సబ్ రిజిస్ట్రార్ కార్యాలయంలో సేవలు నిలిచిపోయాయి. శుక్రవారం సర్వర్ కొద్దిసేపు పనిచేసిన తర్వాత మొరాయించింది. రిజిస్ట్రేషన్ల ప్రక్రియకు సంబంధించి అమ్మకం, కొనుగోలుదారులు ఈ కేవైసీ తీసుకుంటున్నప్పటికీ ఈసైన్ రావడం లేదు. దీంతో వారికి నిరీక్షణ తప్పడం లేదు. 14వ తేదీన సైతం ఇదే పరిస్తితి నెలకొంది. దీంతో స్థలాలు, పొలాల రిజిస్ట్రేషన్ల కోసం వచ్చిన ప్రజలు ఇబ్బందులు పడ్డారు.