యాగంటిలో విశేష పూజలు

బనగానపల్లె మండలంలోని ప్రసిద్ధ పుణ్యక్షేత్రం యాగంటిలో శ్రీఉమామహేశ్వర స్వామి అమ్మవార్లకు శుక్రవారం నిత్య పూజలు కొనసాగాయి. ఈ సందర్భంగా ప్రాతఃకాల సమయంలోనే స్వామి అమ్మవార్లకు అభిషేకాలు అర్చనలు తదితర పూజ కైంకర్యాలను శాస్త్రోక్తంగా చేపట్టారు. అదేవిధంగా స్వామి అమ్మవార్లను విశేష అలంకరణ గావించి ప్రత్యేక పూజలు నిర్వహించారు. అలాగే క్షేత్ర పరిధిలోని వివిధ ఉప ఆలయాల్లో యథావిధిగా పూజలు కొనసాగించారు.