ఆళ్లగడ్డ: గోవిందపల్లెలో ఉమామహేశ్వరుడి పునః ప్రతిష్ఠ

ఆళ్లగడ్డ నియోజకవర్గం ఉయ్యాలవాడ మండలం గోవిందపల్లె గ్రామంలో శనివారం శ్రీ ఉమామహేశ్వర స్వామి పునః ప్రతిష్ఠ మహోత్సవం ఘనంగా జరిగింది. ఈ సందర్భంగా ఆలయంలో ప్రత్యేక పూజలు నిర్వహించి భక్తులు తీర్థ ప్రసాదాలు స్వీకరించారు. అనంతరం గ్రామస్తులు, టీడీపీ నాయకులతో సమావేశమైన స్థానిక నేతలు గ్రామ అభివృద్ధికి తమ పూర్తి సహకారం అందిస్తామని హామీ ఇచ్చారు. కార్యక్రమంలో స్థానిక ప్రజలు పెద్ద సంఖ్యలో పాల్గొన్నారు.