ఆలయ భూముల వేలంపాటలతో రూ. 3. 54 లక్షల ఆదాయం

కోవెలకుంట్ల మండల పరిధిలోని కంపమల్లలో విఘ్నేశ్వర స్వామి, చెన్నకేశవ స్వామి దేవాలయాల భూములకు బుధవారం వేలంపాటలు నిర్వహించారు. 37. 94 ఎకరాలకు వేలంపాట నిర్వహించగా రూ. 3. 54 లక్షల ఆదాయం వచ్చిందని దేవాలయాల ఇన్స్పెక్టర్ హరిశ్చంద్రారెడ్డి తెలిపారు. ఈ వేలం పాటలలో దేవాలయాల అర్చకులు భాస్కరయ్య, క్రిష్టిపాడు శ్రీనివాసులయ్య, సర్పంచ్ రవిరెడ్డి, గోదుల వెంకటరామిరెడ్డి, సురా చిన్న సుబ్బారెడ్డి పాల్గొన్నారు.