కర్నూలు: డీలర్ల నియామకంలో దళారులను నమ్మి మోసపోవద్దు

కర్నూలు జిల్లాలో డీలర్ల పోస్టులకు దళారులను నమ్మి మోసపోవద్దని జిల్లా జాయింట్ కలెక్టర్ డా. బి. నవ్య శుక్రవారం ఒక ప్రకటనలో తెలిపారు. చౌక దుకాణం డీలర్ పోస్టుల భర్తీ ప్రక్రియ ప్రస్తుతం నిలిచిపోయినప్పటికి, రాష్ట్ర ప్రభుత్వం త్వరలో ప్రకటన చేయనుంది. ఈ భర్తీ పూర్తిగా రాత పరీక్ష, ఇంటర్వ్యూ ఆధారంగా జరుగుతుందని తెలిపారు. డబ్బులు అడిగితే సమాచారం ఇవ్వాలని కోరారు. పుకార్లను నమ్మవద్దని సూచించారు.