కర్నూలు: పన్నుదారులు రాయితీలను సద్వినియోగం చేసుకోవాలి

రాష్ట్ర ప్రభుత్వం ఆస్తి పన్ను చెల్లింపులపై వర్తింపజేస్తున్న రాయితీలను పన్నుదారులు సద్వినియోగం చేసుకోవాలని కర్నూలు నగరపాలక కమిషనర్ యస్. రవీంద్రబాబు సూచించారు. సోమవారం నగరపాలక కార్యాలయంలో పన్ను వసూలు కేంద్రాన్ని ఆయన పరిశీలించారు. ఆస్తి పన్ను బకాయిదారుల వడ్డీపై 50% రాయితీ, ఆస్తిపన్ను ముందస్తు చెల్లింపులపై 5% పన్ను రాయితీని ప్రభుత్వం కల్పిస్తుందని, వీటికి గడువు ఏప్రిల్ 30 వరకు మాత్రమేనని వెల్లడించారు.