రసాభాసగా కర్నూలు మండల సర్వసభ్య సమావేశం

కర్నూలు మండల పరిషత్ ఆఫీసులో శనివారం నిర్వహించిన ప్రత్యేక సర్వసభ్య సమావేశం రసాభాసగా మారింది. మహిళా ఎంపీపీ వెంకటేశ్వరమ్మపై టీడీపీ సభ్యులు దురుసుగా ప్రవర్తించారు. సిమెంటు రోడ్లు, డ్రైనేజీ కాలువలు, అంగన్వాడీ భవనాలు నిర్మాణాలు చేసుకునేందుకు మండల అభివృద్ధి నిధులు రూ. 2 కోట్లను ఒక ఎంపీటీసీ సభ్యునికి రూ. 10 లక్షల చొప్పున కేటాయిస్తామని సమావేశంలో ఎంపీపీ ప్రకటించగానే టీడీపీ ఎంపీటీసీ సభ్యులు రచ్చరచ్చ చేశారు.