శ్రీశైలంలో అంకాళమ్మ అమ్మవారికి బోనం సమర్పణ

శ్రీశైలంలో జూలై 9న ఆషాఢమాస మూలా నక్షత్రం సందర్భంగా లోకకల్యాణం కోసం శ్రీశైల మహాక్షేత్ర గ్రామ దేవత అయిన శ్రీ అంకాళమ్మ వారికి దేవస్థానం తరుపున బోనం సమర్పించబడుతుందని దేవస్థానం కార్యనిర్వాహణాధికారి శ్రీనివాసరావు ఆదివారం తెలిపారు. ఈ సందర్భంగా అంకాళమ్మ అమ్మవారికి విశేషంగా పూజాదికాలు జరిపించబడుతాయి. సకాలంలో తగినంత వర్షాలు కురిసి పంటలు బాగా పండి రాష్ట్రం, దేశం సుభిక్షంగా ఉండాలని పూజలు నిర్వహిస్తారన్నారు.