రెస్టరెంట్‌లో తిని వదిలేసిన ఫుడ్‌ నుంచి నూనె

చైనాలోని సిచువాన్‌ ప్రావిన్స్‌లో ఉన్న ప్రముఖ రెస్టరెంట్‌ కస్టమర్లు మిగిల్చిన చిల్లీ ఆయిల్‌ సూప్స్‌, ఇతర ఆహార పదార్థాలను రీసైక్లింగ్‌ చేస్తోంది. దాని నుంచి నూనె సేకరించి సూప్‌లో కలిపి కొత్త కస్టమర్లకు వడ్డిస్తోంది. దానికి సలైవా ఆయిల్‌గా పేర్కొంటున్నట్లు తెలిసింది. ఈ తతంగాన్ని అధికారుల దృష్టికి ఓ కస్టమర్‌ తీసుకెళ్లడంతో ఈ వ్యవహారం బయటపడింది. తప్పు అంగీకరించిన హోటల్‌ యజమాని.. ఫుడ్‌ ఫ్లేవర్‌ కోసమే ఇలా చేస్తున్నట్లు చెప్పడం గమనార్హం.