గుంటూరు: కోర్టు ఆవరణలో ధూమపానం చేస్తే రూ. 200 జరిమానా

గుంటూరు జిల్లా కోర్టు ఆవరణలో ధూమపానం చేస్తే రూ. 200 జరిమానా తప్పదని గుంటూరు జిల్లా ప్రధాన న్యాయమూర్తి వై. వి. ఎస్. బి. జి పార్థసారథి హెచ్చరించారు. కోర్టు ఆవరణలో శనివారం పార్థసారథి ఆకస్మికంగా తనిఖీ చేశారు. ఈ సందర్భంగా టిఫిన్, టీ స్టాల్స్ లో సిగరెట్లు విక్రయిస్తున్నారా? అని ఆరా తీశారు. కోర్టు ఆవరణలో సిగరెట్లు విక్రయిస్తే దుకాణాలు తొలగిస్తామన్నారు. అనంతరం కోర్టులో హెచ్చరిక బోర్డులు ఏర్పాటు చేయించారు.