చికిత్స పొందుతూ నూతన వరుడు మృతి

తెనాలి మండలంలోని సోమసుందర పాలెం గ్రామానికి చెందిన గుర్రం రాము (27)కు ఐదు నెలల క్రితం వివాహమైంది. ఇటీవల కాలంలో కుటుంబంలో కలహాలు ప్రారంభమయ్యాయి. ఈ క్రమంలో పురుగుల మందు తాగి ఆత్మహత్యాయత్నం చేయగా కుటుంబసభ్యులు గుంటూరులోని ప్రైవేటు వైద్యశాలకు తీసుకెళ్లారు. అక్కడ చికిత్స పొందుతూ శుక్రవారం ఉదయం మృతి చెందారు. వైద్యుల సమాచారం మేరకు తెనాలి రూరల్ పోలీసులు కేసు నమోదు చేసి దర్యాప్తు చేస్తున్నట్టు తెలిపారు.