చీపురుపల్లి: శ్రీ కనకమహాలక్ష్మి జాతరకు ముహూర్తపు రాట

చీపురుపల్లి మండల కేంద్రంలో వెలసిన శ్రీ కనకమహాలక్ష్మి అమ్మవారి జాతరకు సంబంధించి పెద్దలు, ఈవో బి శ్రీనివాసరావు సమక్షంలో ఆదివారం ముహూర్తపు రాట వేశారు. అమ్మవారి జాతరకు తొలి ఘట్టం మొదలైందని తెలిపారు. ఈవో శ్రీనివాసరావు మాట్లాడుతూ అమ్మవారి జాతర మార్చి 2 నుండి 4వ తేదీ వరకు నిర్వహించనున్నట్లు చెప్పారు. ఇందుకు సంబంధించి అన్ని ఏర్పాట్లను ప్రారంభించినట్లు అన్నారు. కార్యక్రమంలో ఆలయ కమిటీ సభ్యులు పాల్గొన్నారు.