రాచర్లలో పల్లెనిద్ర కార్యక్రమం

రాచర్ల మండలం రంగారెడ్డిపల్లి గ్రామంలో బుధవారం రాత్రి ఎస్సై కోటేశ్వరరావు ఆధ్వర్యంలో పల్లెనిద్ర కార్యక్రమాన్ని నిర్వహించారు. ఈ సందర్భంగా సైబర్ నేరాలు, దొంగతనాలు అరికట్టే అంశాలు, ఓటీపీ ఫ్రాడ్స్, వివిధ అంశాలపై ప్రజలకు ఎస్ఐ అవగాహన కల్పించారు. దొంగతనాలు నిరోధించేందుకు గ్రామాలలో స్వచ్ఛందంగా సీసీ కెమెరాలు ఏర్పాటు చేసుకోవాలన్నారు. అసాంఘిక కార్యకలాపాలకు దూరంగా ఉంటూ పోలీసులకు సహకరించాలని విజ్ఞప్తి చేశారు.