కనిగిరి: వైభవంగా అంకాలమ్మ తిరునాళ్లు

కనిగిరి మండలంలోని ఏరువారి పల్లిలో అంకాలమ్మ తల్లి తిరునాళ్ల సందర్భంగా మంగళవారం అమ్మవారి చిన్న ఊరేగింపు ఉత్సవాన్ని వైభవంగా నిర్వహించారు. ప్రత్యేకంగా వివిధ రకాల పూలతో సర్వాంగ సుందరంగా అలంకరించిన వాహనంలో అంకాలమ్మ తల్లిని ఊరేగించారు. భక్తులు అమ్మవారికి ఎదురేగి , హారతులు పట్టి, కొబ్బరికాయలు కొట్టి మొక్కలు తీర్చుకున్నారు. భక్తులకు ఆలయ కమిటీ నిర్వాహకులు ప్రసాదాలు పంపిణీ చేశారు.