రక్తపోటు పరీక్ష చేసే సమయంలో తీసుకోవాల్సిన జాగ్రత్తలు

రక్తపోటు పరీక్ష చేసే గంట ముందు ధూమపానం, వ్యాయామం చేసి ఉండకూడదు. కాఫీ కూడా తాగకూడదు. కనీసం పది నిమిషాలు ప్రశాంతంగా కూర్చున్న తర్వాత పరీక్ష చేయించుకోవాలి. పరీక్ష చేసే సమయంలో బీపీ చూసే మెషీన్ ఆ వ్యక్తి గుండె ఎత్తులో ఉండాలి. ఆ వ్యక్తి పాదాలు పూర్తిగా నేల మీద ఉండాలి.వెనక ఆసరా ఉండాలి. చెయ్యి ఎక్కడైనా ఆసరాతో పెట్టి ఉండాలి. బీపీ చూసే సమయంలో కదలకుండా, మాట్లాడకుండా ఉండాలి.