అక్రమంగా విధుల నుంచి తొలగించడం అన్యాయం

కలిగిరి దళిత మహిళ ఆశ వర్కర్ పై రావులకొల్లు సర్పంచ్ వేధింపులు ఆపాలని అక్రమంగా విధుల నుంచి తొలగించిన విజయమ్మను వెంటనే విధుల్లోకి తీసుకోవాలని ఆశ వర్కర్ల యూనియన్ కలిగిరి పీహెచ్సీ వద్ద శనివారం ధర్నా చేశారు. జిల్లా కార్యదర్శి దుగ్గిరాల అన్నపూర్ణ మాట్లాడుతూ గత 18 సంవత్సరాలుగా ఎటువంటి అభియోగాలు లేకుండా విధులు నిర్వహిస్తున్న దళిత మహిళ ఆశ వర్కర్ విజయమ్మను రాజకీయ వేధింపులు కారణంగా తొలగించడం దుర్మార్గమన్నారు.