ఆ పాఠశాల గుర్తింపు రద్దు చేయండి: ఏఎస్ఎఫ్

నిబంధనలకు వ్యతిరేకంగా నిర్వహిస్తున్న ఏవిఆర్ పాఠశాల గుర్తింపును తక్షణమే రద్దు చేయాలని కోరుతూ.. మంగళవారం ఏఎస్ఎఫ్ నాయకులు ఆ పాఠశాల ఎదుట పెద్ద ఎత్తున ఆందోళన నిర్వహించారు. ఈ సందర్భంగా ఏఐఎస్ఎఫ్ జిల్లా సహాయ కార్యదర్శి చందు, జిల్లా కార్యవర్గ సభ్యులు హారుణ్ రషీద్ మాట్లాడుతూ.. ఫిటినెస్ లేని బస్సులను నడుపుతూ విద్యార్థుల ప్రాణాలతో చెలగాటం ఆడుతున్నారన్నారు. గతంలో కూడా ఇదే పాఠశాలకు చెందిన బస్సు ప్రమాదానికి గురైంది అన్నారు. అయినా కూడా పాఠశాల యాజమాన్యం పట్టించుకోకుండా ఫిటినెస్ లేని బస్సులను కొనసాగిస్తున్నారన్నారు. ఈ కార్యక్రమం లో ఏఐఎస్ఎఫ్ నాయకులు రాజేష్,కరుణాకర్,సురేష్, నవీన్, సాగర్, మంజు, సుధీర్, తదితరులు పాల్గొన్నారు.