నరసన్నపేట: ఉత్తమ రైతు పురస్కారం అందుకున్న రెడ్డి సతీష్

నరసన్నపేట మండలం జమ్మూ గ్రామానికి చెందిన రెడ్డి సతీష్ కు ఉత్తమ రైతు పురస్కారం దక్కింది. గురువారం విజయవాడలో ఆచార్య ఎన్ జి రంగా వ్యవసాయ విశ్వవిద్యాలయం ఆధ్వర్యంలో ఉత్తమ రైతుల పురస్కారం కార్యక్రమంలో భాగంగా సతీష్ కు ఈ అవార్డు దక్కింది. ఈ మేరకు విజయవాడలో జరిగిన ఓ కార్యక్రమంలో రాష్ట్ర వ్యవసాయ శాఖ మంత్రి కింజరాపు అచ్చెం నాయుడు చేతుల మీదుగా ఈ పురస్కారాన్ని ఆయన అందుకున్నారు. ఈ క్రమంలో ఆయనను పలువురు అభినందించారు.