మంత్రి ఫరూక్ కుమారుడిపై రాళ్ల దాడి

మంత్రి ఫరూక్ కుమారుడు, టీడీపీ జిల్లా కార్యదర్శి ఫిరోజ్‌పై దాడి జరిగింది. కర్నూలు జిల్లాలోని నంద్యాల టీడీపీ కార్యాలయం నుంచి ఫిరోజ్ కారులో వెళ్తుండగా.. నలుగురు యువకులు రాళ్లతో దాడి చేశారు. ఈ దాడిలో కారు అద్దాలు ధ్వంసం అయ్యాయి. దుండగులను పట్టుకునేందుకు ఫిరోజ్, ఆయన అనుచరులు ప్రయత్నించారు. మణికంఠరెడ్డి అనే యువకుడి పట్టుకోగా.. మిగిలిన ముగ్గురు పారిపోయారు. మణికంఠను పోలీసులకు అప్పగించారు. పోలీసులు కేసు నమోదు చేసి విచారణ జరుపుతున్నారు.