ట్రిపుల్ ఐటీలో 19 మంది విద్యార్థులు ఎంపిక

వీరఘట్టం మండలంలో 19 మంది ప్రభుత్వ పాఠశాల విద్యార్థులు ట్రిపుల్ ఐటీలో సీట్లు సాధించినట్లు ఎంఈఓ ఆనందరావు గురువారం తెలిపారు. ఆయన మాట్లాడుతూ. తలవరం జిల్లా పరిషత్ హై స్కూల్కి చెందిన 9 మంది, నీలానగరం హైస్కూల్ కు చెందిన 6 గురు, తెట్టంగి హైస్కూల్ కు చెందిన ఇద్దరు, రేగులపాడు కేజీబీవీ, గంగంపేట ఆశ్రమ పాఠశాలకు చెందిన ఒక్కొక్కరు చొప్పున ఎంపికయ్యారని వివరించారు. విద్యార్థులకు పాఠశాలల హెచ్ఎంలు అభినందనలు తెలిపారు.