ఎస్. కోట: రైతులు వరి కోతలను వాయిదా వేసుకోవాలి

తుఫాన్ హెచ్చరికల నేపథ్యంలో శుక్ర, శనివారాల్లో రైతులు తమ వరి కోతలను వాయిదా వేసుకోవాలని ఎస్ కోట మండల ఏవో కె.రవీంద్ర తెలిపారు. గురువారం ఆయన మండలంలో విస్తృతంగా పర్యటించారు. ఈ మేరకు ఆయన రైతుల వరి క్షేత్రాలను పరిశీలించారు. ఇప్పటికే వరి కోతలు కోసిన రైతులు పంటను ఎత్తైన ప్రదేశాల్లో కుప్పలుగా వేసుకోవాలని తెలిపారు. నూర్పులు వేసిన రైతులు ధాన్యాన్ని సురక్షిత ప్రాంతాలకు తరలించాలని సూచించారు.