విజయనగరం: వెయిట్ లిఫ్టింగ్ లో సత్తా చాటిన భవాని

కజకిస్తాన్ దేశంలో జరుగుతున్న ఏషియన్ వెయిట్ లిఫ్టింగ్ పోటీల్లో విజయనగరం జిల్లా కొండకరకాం గ్రామానికి చెందిన రెడ్డి భవాని తన సత్తా చాటింది. ఈ పోటీల్లో శనివారం పాల్గొన్న ఆమె వరుసగా మూడు బంగారు పతకాలు సాధించినట్లు గ్రామస్తులు తెలిపారు. భవాని వెయిట్ లిఫ్టింగ్ పోటీల్లో అద్భుత ప్రతిభ కనబరిచి బంగారు పతకాలు సాధించడంతో భవాని తల్లిదండ్రులతో పాటు గ్రామస్తులు, క్రీడాభిమానులు తమ హర్షం వ్యక్తం చేశారు.