అనకాపల్లి: వ్యవసాయ మార్కెట్‌లో అగ్ని ప్రమాదం

అనకాపల్లి గాంధీ వ్యవసాయ మార్కెట్‌లోని శ్రీవర ఎంటర్‌ప్రైజెస్ షాప్‌లో శుక్రవారం ఉదయం అగ్నిప్రమాదం చోటు చేసుకుంది. ఇవాళ తెల్లవారుజామున షాప్‌లో నుంచి పొగ వస్తుండగా గమనించిన రైతులు ఫైర్ స్టేషన్‌కు సమాచారమిచ్చారు. ఫైర్ సిబ్బంది సంఘటన స్థలానికి చేరుకొని మంటలను ఆర్పివేశారు. ఈ ప్రమాదంలో సుమారు రూ.40లక్షల నష్టంకలిగి ఉండొచ్చని అంచనా వేశారు. షార్ట్ సర్క్యూట్ కారణమని అధికారులు తెలిపారు.