రావికమతం: గంజాయి పట్టివేత.. ఇద్దరు అరెస్టు

గంజాయితో ఇద్దరు వ్యక్తులను అరెస్ట్ చేశారు. రావికమతం ఎస్ఐ ఎం రఘువర్మ మంగళవారం సాయంత్రం తెలిపిన ప్రకారం ఏజెన్సీ ప్రాంతం నుంచి కాలినడకన గంజాయి తరలిస్తున్నారన్న సమాచారంతో మంగళవారం రావికమతం పొలిమేరలో తనిఖీలు నిర్వహించగా తమిళనాడుకు చెందిన మురుగన్, తంగం లు 8 కిలోలు గంజాయితో పట్టు బడ్డారని తెలిపారు. వీరి నుంచి గంజాయి స్వాధీనం చేసుకొని రిమాండ్ కు తరలించామన్నారు. ఈ దాడుల్లో ఏ ఎస్సై అప్పలరాజు సిబ్బంది పాల్గొన్నారు.